Елеусінов Boxrec рейтингісінде бірден 350 сатыға жоғарылады

Қазақстандық боксшы Данияр Елеусінов кәсіпқой рингтегі екінші жеңісінен соң Boxrec.com сайтындағы рейтингіде жоғарылап кетті.

Жартылай орта салмақтың рейтингісінде ол 681-ші орыннан 346-ға көтерілді. Ал дивизионда бірінші орында аустралиялық Джефф Хорн келе жатыр.

Естеріңізге сала кетсек, Елеусінов Лондонда төрешілер шешімімен венгриялық Золтан Шабоны жеңген болатын.

Енді Данияр келесі кездесуін 28 шілдеде Лондонда жұдырықтасады. Бірақ қарсыласы әзірше белгісіз.