Әлем чемпионатының төрешісі өмір бойы төрелік ету құқығынан айырылды

<span>Биыл Ресейде өтетін Әлем чемпионатында қызмет етеді деп бекітілген төреші Аль-Мирдасиді Сауд Арабия футбол федерациясы өмір бойына ойынға төрелік ету құқығынан айырды, деп хабарлайды prosports.kz сайты.</span>

<span>Бұған дейін белгілі болғандай, Сауд Арабиясы Король кубогының финалындағы «Аль-Файсали» және «Аль-Иттихад» матчына төрелік еткелі тұрған жерінен Аль-Мирдаси тексеруге алынған болатын. </span>

<span>Бұған себеп, ол осы ойынның нәтижесіне әсер еткісі келген. «Аль-Иттихад» клубының басшысынан ақша талап еткен. Егер сұраған ақшасын берсе матчты аталған команданың пайдасына шешіп беретінін айтқан.</span>

<span>Ал клуб жауаптысы бұған келіспей, қажетті дәлел-айғақтарды Сауд Арабия футбол федерациясына тапсырып берген. </span>

<span>Сауд Арабия футбол федерациясы FIFA-ға Аль-Мирдасиді Әлем чемпионатына қызмет ету құқығынан айыруды талап етіп, өтініш жазды. </span>

<span>32 жастағы төреші енді өмір бойы футбол матчтарына төрелік ете алмайды.</span>

<span>Айта кетейік, Аль-Мирдаси 2017 жылы Конфедерация кубогы мен 2016 жылғы Рио Олимпиадасында қазылық еткен болатын.</span>

<span></span>