Сауд Арабия әлем чемпионатының төрешесін тексере бастады

Сауд Арабия футбол федерациясы төреші Фахад аль-Мирдасиге қатысты тексерісті бастады.

Аль-Мирдаси Король кубогының финалындағы «Аль-Файсали» және «Аль-Иттихад» матчында қызмет етуі керек еді, алайда оның орнына англиялық рефери Марк Клаттенбург төрелік жасады. 32 жастағы төрешіге қатысты тексерістің не үшін болып жатқаны белгісіз.

Айта кетейік, Аль-Мирдаси 2017 жылы Конфедерация кубогы мен 2016 жылғы Рио Олимпиадасында қазылық еткен болатын. Ал биыл Ресейде өтетін әлем чемпионатында қызмет етеді.