Шүменовтің кешінде Snoop Dogg пен 50 Cent ән шырқайды

7 шілдеде Астанада өтетін кәсіпқой бокс кешіне қатысты қосымша ақпараттар шықты.

Бұл кештің басты жекпе-жегінде қазақстандық Бейбіт Шүменов Хизни Алтункаямен жұдырықтасады.

Кештің жүргізушісі ретінде әлемге танымал ринг-анонсер Майкл Баффер бекітілген. Сонымен қатар, елордада өтетін кешке Роберто Дюран, Эвандер Холифилд, Хуан Мануэль Маркес, Дэвид Хэй және Хорхе Линарес сынды әлемнің бұрынғы және қазіргі чемпиондары қатысады.

Ал жекпе-жектер арасында жанкүйерлерге ерекше көңіл-күй сыйлау үшін танымал әншілер де шақыртылған. Мысалы, әлем жлдыздары Snoop Dogg, 50 Cent пен Тимати кешті әнмен әрлемек. Сонымен қатар, қазақстандық Қайрат Нұртас та осы кеште жанкүйерлерге ән шырқайды.