GGG: «Канелоны» біржолата жеңгім келеді

WBC, WBA, IBF, IBO нұсқалары бойынша әлем чемпионы қазақстандық Геннадий Головкин америкалық Haute Living люкс журналының мұқабасына шықты.

<span>Танымал басылым боксшының эксклюзивті сұхбатын жариялады. Журналдың редакциясы қазақстандық боксшыны «сабырлы, бірақ ең қауіпті» деп атады. </span>

<span>«Мен кәсіби спортшымын. Шоумен немесе клоун емеспін. Мен үшін бокс ең бірінші кезекте - ол спорт. Содан кейін ғана бизнес. Мен көне мектеп менталитетін ұстанамын. </span>

<span>Альварес зарарлы етті жеді дегенге сене алмаймын. Біздің командадағылардың қатты көңілі қалды. Мен дайындалдым, ынтамен жаттықтым. Мен үшін Альварес - «фальшивка». </span>

<span>Онымен өткізген бірінші жекпе-жек өте қызықты болды. Мен «Канелоны», оның стилін білемін. Ол - Мексикадан шыққан супержұлдыз. Бірақ мен - чемпионмын, ал ол - номер екінші. Альваресті біржолата жеңгім келеді. Үздік екенімді білемін. Соны халыққа көрсеткім келеді. Мұра? Мен - нағыз чемпионмын. Мені сол үшін де барлығы есте сақтайды деп ойлаймын», - деді Головкин сұхбатында. </span>

<span>Сонымен қатар, журнал Головкинмен фотосессия ұйымдастырды.</span>

<span></span>

<span>Еске сала кетейік, Головкин биыл 5 мамырда Альвареспен реванш өткізуі тиіс болатын. Алайда мексикалық боксшы допинг-тесттен өте алмай қалды. NSAC Альваресті уақытша шеттетті. Бірінші жекпе-жекте екеуі тең түскен болатын. </span>

<span>Альварестің орнына америкалық Ванес Мартиросян шығып, GGG оны екінші раундта нокаутқа түсірді.</span>