Головкин қарсыластарына: Менің белдіктерімді алуға тырысып көріңдер

Карсондағы (АҚШ, Калифорния штаты) StubHub Center аренасында Геннадий Головкин қарсыласы Ванес Мартиросянды жеңгеннен кейінгі әсерімен бөлісті.

<span>«Мен рингке қайта шықтым және өзімді өте жақсы сезініп тұрмын. Маған қолдау білдірген Қазақстандағы барша достарыма, жанкүйерлеріме алғысымды айтамын», - деді Головкин.</span>

<span>Сонымен қатар ол бүгінгі қарсыласы жайында да жақсы лебізін жеткізді.</span>

<span>«Ванес - ол талапты боксшы, шаршы алаңда бірнеше жақсы соққыларын дарыта алды. Бірінші раундтан кейін бұл кездесу оңайға түспейді деген ойға да келдім. Алайда жекпе-жекті екінші раундта аяқтауға қауқарлы болдым», - деді GGG.</span>

<span>Мұнымен қоса ол 5 мамыр күні өтуі тиіс болған жекпе-жекке қатысты Сауль «Канело» Альвареске қаратып үндеу жасады.</span>

<span>«Мен кез келген қарсыласқа дайынмын. Егер де «Канело» жекпе-жекке дайын болса, мен де дайынмын. Мен көп жылдар бойы чемпиондығымды сақтап келемін. Менің белдіктерімді алғыларың келе ме? Онда жекпе-жекке шығып, тырысып көріңіздер», - деді Генадий Головкин.</span>

<span>Бұдан бөлек Геннадий жанкүйерлеріне бірнеше тілде әлеуметтік желі арқылы өз алғысын айтып үлгерді.</span>

<span>«Қолдау жасағандардың барлығына үлкен рахмет! Thanks a lot to all my fans for your support! Muchas gracias!»,- деп жазды GGG.</span>