Мамандар Головкин мен Мартиросян жекпе-жегіне болжам жасады

Inside HBO Boxing сайты алдағы Геннадий Головкин (37-0-1, 33 КО) мен Ванес Мартиросянның (36-3-1, 21 КО) жекпе-жегіне болжам жасады.

- GGG-нің физикалық қабілеті төмендеп келеді. Оның үстіне ол жаңа әрі көпшілікке аса танымал емес боксшыға қарсы кездесу өткізгелі отыр. Осының бәрі Головкин үшін кері әсерін тигізуі мүмкін.

Ал Мартиросян өзіне айтылып жүрген соңғы сындарды ескеріп, осы жолы барлық мүмкіндігін көрсететін болады. Алайда ол нәтижесіз болмақ. Головкин Альвареске кеткен ашуын Мартиросяннан алады. Головкин жекпе-жектің мүмкін ортасында оны нокаутқа түсіреді, – деп жазады сайт.

Еске сала кетейік, Головкин – Мартиросян жекпе-жегі 5 мамырда <span>Карсон-Ситидегі (Калифорния, АҚШ)</span><span> Stubhub Center стадионында өтеді.</span>