IBF белбеуіне қатысты мәселе Головкинге кесірін тигізе ме

<span>Орта салмақта жұдырықтасатын украиналық боксшы Сергей Деревянченконың (12-0, 10) промоутері Лу Дибелла Халықаралық бокс қауымдастығының (IBF) қазақстандық Геннадий Головкиндегі ұйым белбеуіне қатысты шешіміне пікір білдірді.  </span>

<span>Мұның алдында IBF орта салмақта осы ұйым белбеуіне ие Головкинге бірнеше шартты орындаса, Деревянченкоға қарсы міндетті жекпе-жекті кейінге қалдыруға рұқсат берген. Ең бастысы Головкин чемпиондық атағын 2018 жылдың 3 тамызына дейін қорғау керек. Олай болмаған жағдайда қазақстандық белбеуінен айырылады.  </span>

<span>Деревянченко командасы IBF ұйымының бұл шешіміне қанағаттанды және Головкинді атағынан дереу айыру туралы сұраған жоқ.  </span>

<span>- Түсінеміз, бұл жағдайда Головкин кінәлі емес. Кінә Канелодан. Бірақ біз - міндетті қарсыласпыз және осы атақ үшін жұдырақтасуға құқымыз бар. Деревянченко бос тұрған белбеуге таласқысы келмейді. Оның арманы - Головкинмен жұдырықтасу, - дейді Дибела.  </span>

<span>Өзінің келесі жекпе-жегін Головкин 5 мамырда Карсон қаласында (АҚШ, Калифорния штаты) америкалық Ванес Мартиросянмен (36-3-1, 21 KO) жұдырықтасады. Бұл жекпе-жекте қазақстандық тек үш атағын қорғайды, өйткені IBF бұл жекпе-жекке рұқсат бермеді.</span><br /><br />