Әлем чемпионатында VAR жүйесі бойынша қызмет атқаратын төрешілер

<span>Футбол қауымдастығы халықаралық федерациясының (FIFA) төрешілік комитеті 2018 жылы Ресейде өтетін Әлем чемпионатында видеоқайталау жүйесі бойынша қызмет атқаратын төрешілерді тағайындады, деп хабарлайды prosports.kz сайты. <br /></span><br /><span>Халықаралық футбол федерациясының ресми сайтында Әлем чемпионатында жұмыс істейтін 13 арбитрдің есімі жарияланды. Олар Әлем чемпионаты тарихында алғаш рет қолданылғалы отырған видеоқайталау техникасына (VAR) жауап беретін болады.<br /> </span><br /><span>Бір қызығы осы 13 төреші Әлем чемпионаты барысындағы барлық матчта қызмет етеді. Олар бір орталықта отырып, барлық ойынды қадағалайды. <br /></span><br /><span>Бұл қызметке ұлттық лигаларда VAR жүйесінде жұмыс істеп жүрген тәжірибелі мамандар шақырылды. Айталық, аталған тізімде Италия А сериясынан 3 арбитр, Германия Бундеслигасынан 2, Португалия Премьер лигасынан 2 төреші бар. Себебі, осы чемпионаттар биылдан бастап бейнеқайталау жүйесіне жүгінген болатын. </span>

<span>Аталған 13 төреші мыналар:</span>

<span>Еуропа футбол қауымдастықтары одағы (UEFA) - </span>Бастиан Данкерт, Феликс Цвайер (екеуі де - Германия), Артур Диас Соареш, Тиаго Бруно Лопеш Мартинш (екеуі де - Португалия), Павел Гил (Польша), Массимилиано Иррати, Даниэле Орсато, Паоло Валери (бәрі - Италия), Данни Маккели (Нидерланды);

Азия футбол конфедерациясынан (AFC) - Абдулрахман Аль Джассим (Катар);

Оңтүстік Америка футбол конфедерациясынан (CONMEBOL) - Уилтон Сампайо (Бразилия), Джери Варгас (Боливия), Мауро Виглиано (Аргентина).<span><br /></span><br /><span>Естеріңізде болса, осының алдында FIFA Әлем чемпионатында қызмет атқаратын төрешілер мен төрешілердің көмекшілерінің есімін жарилаған болатын. Онда матчтарға алаңда төрелік ететін 36 арбитрдің және олардың 63 көмекшісінің аты аталған еді. </span>