Аустралиялық боксшы 7 жылға бас бостандығынан айырылды

Суперауыр салмақта өнер көрсететін Крейг Витале (6-0, 3 КО) алдағы 7 жылын түрмеде өткізеді. Спортшы қару алып, тонауға барғаны үшін жазаланды.

Боксшы бұл қылмысын 2011 жылы жасаған. Бірақ ол тек 2016 жылы ғана белгілі болды. Витале өзінің ағасымен бірге алькогольді дүкенге барып, сатушыға қару кезеніп, ақша мен ішімдік талап еткен. Виталенің өзі кінәлі екенін мойындаған жоқ.

Бірақ ол кәсіпқой бокстағы мансабын бұл қылмысынан кейін ғана, 2013 жылы, бастаған.