Головкин Стивенспен кездесу үшін 400 000 доллар алады

<p style="text-align: justify;"> <strong>WBA тұжырымы бойынша орта салмақ дәрежесінде әлем чемпионы Қазақстандық боксшы Геннадий Головкинге американдық Кертис Стивенспен кездесуі үшін 400 000 доллар төленеді.&nbsp;</strong></p> <p style="text-align: justify;"> Америка боксшысы осы жекпе-жек үшін 290 000 АҚШ долларын алады.</p> <p style="text-align: justify;"> Бокс кешінде өнер көрсететін басқа да қатысушыларға гонорарлар келесідей төленеді: Магомед Абдусаламов (40 мың доллар) - Майк Перес (30 мың доллар), Ола Афолаби (20 мың доллар) - Лукаш Яник (20 мың доллар).</p> <p style="text-align: justify;"> Еске сала кетсек, Головкин және Стивенс арасындағы жекпе-жек 3-ші қараша күні Нью-Йоркте Madison Square Garden аренасында өтеді. Басталуы Астана уақыты бойынша сағат 7:00-ге жоспарланған. Жекпе-жекті KazSport телеарнасы тікелей эфир арқылы көрсетпек.<br /> Қазақстандық боксшы 30 маусымда өткен өзінің соңғы кездесуінде британдық Мэттью Маклинді есеңгіретіп, WBA нұсқасы бойынша әлем чемпионы атағын қорғап қалғанын айта кеткен жөн. Ал Стивенс 4 тамызда өткен жекпе-жектің бірінші кезеңінде-ақ мексикалық Сауль Романды тізе бүктірді.&nbsp;</p> <p style="text-align: justify;"> Головкин кәсіпқой ретінде шаршы алаңда өткізген 27 кездесуінің барлығында жеңіске жетті, соның ішінде 24-інде қарсыласын нокаутқа жіберді. Стивенс 25 кездесуде (18 - нокаутпен) жеңіс тойын тойлап, үш рет жеңілістің ащы дәмін татқан.</p>