Данияр Елеусінов: Алғашқы қарсыласым ортаңқол боксшылардың бірі

<span>Қазақстандық боксшы, Олимпиада чемпионы Данияр Елеусінов кәсіпқой бокстағы алғашқы жекпе-жегін америкалық боксшы Ноа Киддке қарсы өткізеді. </span>

<span>Отандасымыз алғашқы жекпе-жегі мен қарсыласы жайлы ойын білдірді. </span>

<span>- Бұл – менің алғашқы жекпе-жегім. Өзіме деген сенімділікті арттыруым қажет. Осыған қарай қарсылас таңдалды. Бұл жолғы қарсыласым ортаңқол боксшылардың бірі. Алғашқы жекпе-жекте шаршы алаңға бой үйретіп, кәсіпқой бокс атмосферасын сезіну үшін жұдырықтасуға болатын боксшы, - деді Данияр. </span>

<span>Данияр Елеусінов шаршы алаңға шығатын бокс кеші 28 сәуір күні Нью-Йорктегі «Барклайс» аренада өтеді. Басты кездесуде орта салмақтағы Дэниэль Джейкобс пен поляк Мацей Сулецки қолғап түйістіреді. </span>

<span>Жартылай орта салмақта өтетін Данияр Елеусінов пен Ноа Кидд жекпе-жегі 6 раундқа жоспарланған. Америкалық боксшы кәсіпқой бокстағы мансабын 2016 жылы бастаған. 4 жекпе-жек өткізіп, 3-де жеңіске жеткен. 1 кездесуінде қарсыласымен тең түскен. Барлық жекпе-жектерін  Миссури штатында өткізген. </span>

<span>Айта кетейік, 28 сәуірдегі бокс кешінде Нью-Йорктегі қазақстандық полицей Димаш Ниязов (13-0-3, 6 КО) та шаршы алаңға шығады. Ол мексикалық боксшы Анхель Саринанмен (7-7-2, 3 КО) жұдырықтасады.</span><br /><br /><br />