Үндістандық басылым Қазақстанды айыптады

<p style="text-align: justify;"> <strong>Үндістандық The Indian Express басылымы бокстан өткен әлем чемпионатында төрешілердің Қазақстанға болысқанын&nbsp;меңзеді.</strong></p> <p style="text-align: justify;"> &nbsp;&laquo;Қазақстан Астанада өткен бокстан 2013 жылғы әлем чемпионатында айқын басымдылыққа ие болып, 4 алтын, 2 күміс, 2 қола медаль иеленді. Екі қатысушысынан басқасының бәрі жүлдеге ілікті. 2011 жылы Әзірбайжанда өткен әлем біріншілігінде қазақтар 2 күміс, 1 қола медальмен жарысты аяқтаған. Ал 2012 жылы Лондон Олимпиадасы кезінде 1 алтын, 1 күміс, 1 қола жүлде жеңіп алды. Қазақтардың өз алаңында басымдылыққа ие болуы ешкімнің күмәнін туғызбайтын шығар.</p> <p style="text-align: justify;"> Қазақстан бұрыннан бері әуесқой бокста үлкен күшке ие. Әйтсе де, турнирді өткізуші мемлекет көбірек жүлде алады және сырт алаңда қиыншылыққа тап болады. 2008 жылы Бейжің Олимпиадасы кезінде Қытай 2 алтын, 1 күміс медаль жеңіп алған-ды, ал Афиныда жалғыз қоланы місе тұтқан-ды. Үндістан да мұртын майлады. 2010 жылы Достастық ойындары кезінде Мельбурндағы жалғыз алтынды үш еселеді. 2006 жылы екі алтынға ие болған Австралия Делиден құр қол қайтты. Лондонда 3 алтын, күміс пен қоланы қоржынына басқан Британия Астанадан небәрі екі қола жүлде жеңіп алды (Оның біреуі Англия, екіншісі Уэльс үшін).</p> <p style="text-align: justify;"> Мұның бәрі өз алаңдағы артықшылықтың болатынын көрсетеді. Бірақ, бұл &ndash; сайысты өткізуші ел жол жүріп шаршамай, жарысқа тыңғылықты дайын болатынымен қатысы жоқ. Ауыр және жеңіл атлетика секілді спорт түрінде жеңімпаз объективті факторға байланысты анықталса, гимнастика мен бокста төрешілер көмектеседі. Бокс &ndash; әлемдік дәрежеде дау-дамайға іліккен спортың бірі. 1988 жылы Сеул Олимпиадасы кезінде Оңтүстік Корея боксшысы Пак Си Хун АҚШ-тан келген былғары қолғап шебері Рой Джонсты жеңуінің соңы үлкен дауға ұласып еді&raquo;,&nbsp;&ndash; делінген аталмыш мақалада.</p> <p style="text-align: justify;"> Қазақстанды нақты айыптамаса да, емеурін танытқан мақала авторы бір нәрседен қатты қателесіпті. Әлем чемпионаты Астанада емес, Алматыда өткен болатын.</p>