Америкалық жігіт басына Головкиннің портретін салғызды
Америкада шаштараз Мигель Росас Twitter-де қазақстандық боксшы Геннадий Головкинге арналған жұмысының суретін жариялады, деп жазады<span> sputniknews.kz.</span>
Шаштаразға келген клиенттердің бірі шүйде тұсына Головкиннің суретін салғызған. Шебердің жұмысын GGG промоутері Том Леффлер бағалап, онымен әлеуметтік желіде бөлісті.
Бұл Мигельдің алғашқы жұмысы емес. Росастың аккаунтынан танымал жұлдыздардың шаш қию арқылы салынған портреттерін көптеп кездестіруге болады.
Hair cut (стрижка) @GGGBoxing #kazakhstan #ggg #boxing @novaya_gazeta @kazinform_eng @Kazakhstan @BoxingRingKings @HBOboxing @fighthype pic.twitter.com/4yjFaMQnS1
— Miguel Rosas (@newstylebarbers) 2018年4月15日
Айта кетсек, Геннадий Головкиннің келесі жекпе-жегі 5 мамырда StubHub Center (Карсон, Калифорния штаты) өтеді деп жоспарлануда. Жерлесіміздің шаршы алаңға кіммен шығатыны әлі белгісіз, алайда қарсылас ретінде америкалық Ванес Мартиросянның есімі жиі аталып жүр.
<br /><br />