Фируза Шәріпова әлем чемпионымен жұдырықтасады

<span>Бокстан WBC тұжырымы бойынша әлем чемпионы Ева Вальстром WIBA, WBU, WBC Silver бойынша чемпион белдігінің иесі Фируза Шәріповамен жекпе-жек өткізуге келісім берді. </span>

<span>Бұл туралы қазақстандық боксшы қыздың баспасөз қызметі мәлімдеді. </span>

<span>«Біз Евы Вальстремнің промоутері Петри Паймандерден жауап алдық. Қазір Вальстрем операциядан кейін оңалып жатыр. Сондықтан маусымда жұдырықтаса алмайды. Екі ай жаттыға алмайды. Дегенмен олар Шәріповамен 24 қазанда жекпе-жек өткізуге қызығушылық танытты. Дүйсенбіде келісім жасай бастаймыз», – дейді қазақстандық боксшының менеджері Сергей Завилейский. </span>

<span>Жекпе-жек 24 қазанда Монакода, Sportel спорт арналарының халықаралық конвенциясы кезінде болады. </span>

<span>Еске салайық, соңғы рет Шәріпова Алматыда жекпе-жек өткізіп, Джемилла Гонтарюкті жеңген. Осылайша IBO және WBC Silver белбеулерін иемденіп, WBC чемпиондығына міндетті үміткер болған еді.</span>