Бобиржан Моминов алтыншы кездесуін нокаутпен жеңді

Аргентинада қазақстандық боксшы Бобиржан Моминов қатысқан кәсіби бокс кеші аяқталды, деп жазады Prosports.kz.

Өткен түнде Аргентинаның Кильмес қаласында өткен жекпе-жекте Бобиржан екінші раундта техникалық нокаутпен жергілікті боксшы Хосе Игнасио Бальседоны жеңді. Бірінші орта салмақ дәрежесінде өткен кездесу алты раундқа жоспарланған болатын.

Бұл отандасымыздың кәсіпқой бокстағы алтыншы жеңісі. Оның бесеуін уақытынан бұрын аяқтап отыр. Ал Бальседо өзінің алғашқы кездесуінде жеңіліске ұшырады.