Жанат Жақиянов: Деревянченко - Генаға қауіпті қарсылас
Қазақстандық кәсіпқой боксшы Жанат Жақиянов Prosports.kz тілшісіне сұқбат беріп қазіргі таңда немен айналысып жүргенін баяндады.
- Жанат, қал жағдайыңыз қалай? Кәсіпқой мансабыңызды аяқтаған соң сіз бапкерлікті қолға алдыңыз деп естідік...
- Иә, соңғы жекпе-жектен кейін үлкен спорттан кету туралы нақты шешім қабылдадым. Қазір өзімнің туған өлкем Петропавлда балаларды жаттықтырып жүрмін. Жұмыс орным – бокс мектебі.
- Балалар қанша жаста? Олар сізді кәдімгідей пір тұтатын шығар?
- Пір тұта ма жоқ па, о жағын білмеймін, бірақ тыңғылықты дайындық кезінде сый құрметті сеземін. Қазір 10-16 жас аралығындағы жасөспірімдерді жаттықтырып жатырмын.
- Ісіңіз алға бассын. Геннадий Головкинге қатысты сұрағым бар еді. Таяуда «Канело» жекпе-жектен бас тартқанын білесіз. Бірақ Головкинге мамырдың 5-і күні жекпе-жек өткізу маңызды. Оған лайықты қарсылас кім деп ойлайсыз?
- Меніңше, төрт үміткерді атап өтуге болады. Олар: Дэниел Джейкобс, Билли Джо Сондерс, Сергей Деревянченко және уақытша белбеу иегері Джермалл Чарло. Осылардың ішінде ең қауіптісі Деревянченко деп санаймын. Гена қарсылас ретінде төртеуінің қайсысын таңдаса да көрермендер үшін жекпе-жек қызықты болмақ.
- Соңғы жекпе-жектен кейін бапкерге немесе қарсыласқа өкпе-назыңыз жоқ па?