Бокстан ӘЧ. Сегіз қазақ боксышымыз жартылай финалда!

<p style="text-align: justify;"> <strong>Бокстан Алматыда өтіп жатқан әлем чемпионатының ширек финалдық кездесулері өтіп, жартылай финалға жолдама алған саңлақтарымыздың есімдері белгілі болды.</strong></p> <p style="text-align: justify;"> Алғашқылардың бірі болып шаршы алаңға шыққан <strong>52 келідегі Ілияс Сүлейменов</strong>, өкінішке қарай, Уэльс боксшысы Эндрю Селбиден ұтылып қалды &mdash; 3:0. Дәл осы қарсылас Сүлейменовты Лондон олимпиадасының 1/8 финалында ұтқан еді.</p> <p style="text-align: justify;"> Кездесуден кейін журналистермен тілдескен Селби &laquo;Қарсыласым бірінші раундта басым болды. Қалған екі раундта кездесуді өз қолыма алдым. Қазақ боксшысы өте мықты қарсылас&raquo; деді.</p> <p style="text-align: justify;"> <strong>60 келіде</strong> <strong>Берік Әбдірахманов </strong>венесуэлалық қарсыласы Луис Диасты 2:1 есебімен ұтып, кем дегенде қола жүлдеге қол созды. Әбдірахманов енді кубалық Лазаро Эстрадамен кездеседі. Куба боксшысы таиландық Саилом Ардииді ұтты.</p> <p style="text-align: justify;"> <strong>69 келіде Данияр Елеусіно</strong>в италиялық Виченцо Манчикапрені жеңіп, жартылай финалға жолдама алды. Үш төреші де 30:27 есебімен жеңісті қазақ боксшысына берді. Даниярдың келесі қарсыласы &mdash; германиялық Аражик Маритжан.</p> <p style="text-align: justify;"> Елеусіновтің жеңісті жолын <strong>81 келіде Әділбек Ниязымбетов</strong> жалғастырды. Ол үндістандық Самит Сангванды жарыстан шығарды &mdash; 3:0.</p> <p style="text-align: justify;"> <strong>+91 келіде Иван Дычконың</strong> қарсыласы үндістандық Сатиш Кумар жарақатына байланысты кездесуден бас тартқан. Осыған байланысты ол жартылай финалға шығып қойды.</p> <p style="text-align: justify;"> Түскі сессияда төрт қазақ боксшысы жартылай финалға шыққан еді. Осылайша, әлемдік сынның жартылай финалына сегіз қазақ боксшысы шықты. Қоржынымызда сегіз жүлде. Бұл &mdash; біздің құраманың жеке рекорды.</p> <p> &nbsp;</p> <p> &nbsp;</p>