Моминовтың қарсыласы өзгерді

Қазақстандық боксшы Бобиржан Моминовтың келесі жекпе-жектегі қарсыласы өзгерді.

6 сәуірде аргентиналық Кильместе Бобиржан жергілікті Габриэль Фернандо Пуналефпен жұдырықтасуы керек еді. Алайда оның орнына тағы бір аргентиналық Рикардо Гарман Сориа шығатын болды.

Кездесу бірінші орта салмақ аясында өтеді және алты раундқа жоспарланған.

Айта кетейік, бұл бокс кешінде біздің тағы бір отандасымыз Арман Рысбек өнер көрсетеді. Ол жергілікті Альберто Родригеспен жұдырықтаспақ.