Головкин-Альварес реваншына алынған билеттерді қайта қабылдау басталды

<span>АСТАНА. ҚазАқпарат - Қазақстандық былғары қолғап шебері Геннадий Головкин (37-0-1, 33 КО) мен допинг дауына іліккен мексикалық Сауль «Канело» Альварес (49-1-2, 34 КО) арасындағы 5 мамырға белгіленген реванштың болу-болмауы шамамен екі аптадан соң белгілі болады, деп хабарлайды Prosports.kz inform.kz сайтына сілтеме жасай отырып.</span>

<span>Жекпе-жек Альварестің допинг-сынамасы оң нәтиже беруіне байланысты кейінге қалдырылуы немесе мүлдем болмауы мүмкін. </span>

<span>Бұдан бұрын мексикалық боксшы Невада штаты Атлетикалық комиссиясының (NSAC) шешімімен спорттан уақытша шеттетілген еді. Оның бұдан арғы тағдыры аталған комиссияның 10 сәуірде өтетін отырысында белгілі болады. </span>

<span>Дегенмен, MGM Resorts International компаниясы жанкүйерлерге T-Mobile аренасына сатып алынған билеттерді өткізу және олардың құнын 100 пайыз өтеп беру басталғанын мәлімдеді.  </span>

<span>Бұл жайлы MGM Resorts-қа сілтеме жасап Las Vegas Review-Journal хабарлайды. </span>

<span>Еске салайық, мексикалық боксшы Сауль Альварестен алынған допинг сынамалардың бірінен тыйым салынған препарат - кленбутерол табылғаны туралы 6 наурызда белгілі болған еді.</span>