Фируза Шарипованың 12 мамырға жоспарланған жекпе-жегі өтпейтін болды

Бокстан әлем чемпионы, қазақстандық Фируза Шарипованың кәсіпқой рингтегі келесі жекпе-жегі кейінге шегерілді.

Фируза 12 мамырда жұдырықтасады деп жоспарланған, алайда оның жекпе-жегі кейінгі уақытқа ауыстырылды.

«Қазіргі уақытта менеджерім Сергей Завилейскиймен Астанаға ұшып келдік. Жақын арада келесі жекпе-жегімнің уақыты, өтетін орны мен қарсыласым анықталады. Бір айтарым 12 мамырда жұдырықтаспаймын – келесі жекпе-жегім маусым айында өтеді», - деді Фируза Шарипова SportX-ке берген сұқбатында.