Дэн Рафаэль: Головкин қорықты деп ойлайтындар – үлкен ақымақтар

ESPN басылымының журналисі Дэн Рафаэль өзінің чатында Геннадий Головкиннің Сауль Альварес туралы айтқан сөзіне қатысты пікірін білдірді.

Өткен айда Канелоның қанынан допинг табылған. Мексикалық боксшының командасы тыйым салынған препарат Саульге бұзылған ет арқылы кіріп кетті деп ақталған болатын.

Алайда Головкин Альварестің допингті әдейі қабылдағанына сенімді және оның алғашқы жекпе-жекте де арнайы дәрі қолданғанын айтқан.

«Головкин бұл жағдайда қорқып кетті деп ойлайтындар – үлкен ақымақтар», - деп жазды бокс маманы.