БАҚ: Головкин Альварестің допинг қолданғанын неге бұған дейін айтпады

Геннадий Головкин өзінің соңғы сұқбатында Сауль Альваресті алғашқы жекпе-жекте допинг қолданды деп айыптаған болатын.

Ол «Альварестің денесіндегі бұлшық еттеріне ине салынғанын байқауға болады» деген еді. Шетелдік кей журналистер осы пікірге қатысты ойларын жазды.

«Мен GGG-ді жақсы көремін, бірақ, эмм, бірақ ол бұл туралы неге осы сәтке дейін айтқан жоқ? Мысалы... жекпе-жек біткен соң?», - деп жазды америкалық журналист Крис О’ши.

Ал Альварестің командасы Головкиннің бұл сөзін «жеңілістің сылтауы» деп атады.