Елеусінов келесі жекпе-жегін 24 наурызда өткізеді

Дәурен Елеусінов кәсіпқой бокстағы келесі жекпе-жегін 24 наурызда АҚШ-та өткізеді.

Майамидегі бокс кешінде 31 жастағы отандасымыздың кіммен жұдырықтасатыны әзірше белгісіз. Ол бұған дейін 6 жекпе-жек өткізіп, бесеуінде жеңіске жетсе, бір рет тең түскен болатын. Соңғы жекпе-жегін 2016 жылы 12 маусымда өткізген.

Айта кетейік, Дәурен – Олимиада чемпионы Данияр Елеусіновтің ағасы.