АҚШ кинотеатры Головкин – Альварес реваншын көрсетпек

Америкадағы Harkins Theatres кинотеатры Геннадий Головкин мен Сауль Альварес жекпе-жегін көрсетеді.

Жекпе-жекті кинотеатрда тамашалау үшін 20 доллар (6 440 теңге) төлеуіңіз керек. Жекпе-жекке дейін әлі екі айға жуық уақыт болса да, билеттер сатылымы басталып кетті.

Айта кетейік, Головкин мен Альварес арасындағы екінші жекпе-жек 5 мамырда Лас-Вегаста өтеді. Алғашқы кездесуде боксшылар тең түскен болатын.

Соңғы күндері Канелоның қанынан допинг табылып, жекпе-жектің тағдыры қыл үстінде болған. Алайда екінші допинг-сынамасы таза шықты.