Азия чемпионаты: Бүгін төрт балуанымыз жүлдеге таласады

<span>Қырғызстанның Бішкек қаласында күрес түрлерінен Азия чемпионаты өтіп жатыр. Бүгін, жарыстың соңғы күні еркін  күрестен балуандарымыз бақ сынауда.</span>

<span>Түстен бұрын өткен кездесулер нәтижесінде екі балуанымыз ақтық сынға жолдама алып отыр. Тағы екі отандасымыз қола үшін күресетін болады.</span>

<span>Атап айтар болсақ, 61 келіде бақ сынайтын Нұрислам Санаев пен 92 келіге дейін салмақ дәрежесінде күресетін Әділет Даулумбаев ақтық сында алтынға таласып көреді.</span>

<span>Ал Данияр Қайсанов (74 келі) пен Азамат Дәулетбеков (86 келі) үшінші орын үшін күш сынасады.</span>

<span>Белдесулер Астана уақытмен 17:30-да басталады.</span>