Олимпиада-2018: Он бесінші жарыс күнінің қорытындысы
<span>Пхенчхандағы Олимпиада ойындары аяқталар сәт жақындап келеді. Еліміз спортшылары әлі де болса Юлия Галышеваның ерлігін қайталай алмауда, деп хабарлайды prosports.kz сайты. <br /></span><br /> Бүгін, 23 ақпанда жарыс жолына шыққан отандастарымыз да жүлделі орынға жақындай алмады.<br /><br /><span>Таң ата мұз айдынында мәнерлеп сырғанаған Элизабет Тұрсынбаева үздік ондыққа ене алмады. Еркін бағдарламада өнер көрсеткен отандасымыз 118.30 ұпай жинап, 12-ші орын алды.<br /></span><br /><span>Конькимен жүгіру жарысында 1000 метр қашықтыққа жүгірген үш отандасымыз да биік белесті бағындырған жоқ. Жарыс қорытындысында, Денис Кузин 27-ші, Станислав Палкин 29-шы сатыда жайғасса, Федор Мезенцев 33-ші болып келді.<br /></span><br /><span>Биатлоннан ерлер құрамасы 4х7,5 шақырымдық эстафетада бақ сынады. Максим Браун, Роман Еремин, Василий Подкорытов, Владислав Витенко төрттігі мәре сызығын 17-ші болып кесті.<br /></span><br /><span>Осылайша, бүгін де команда қоржынына жүлде түскен жоқ.</span>