Қазақстандық биатлоншылар аралас эстафетада 18-ші орын алды

Пхенчхандағы қысқы Олимпиадада биатлоннан аралас эстафета (әйелдер – 2х6 шақырым, ерлер – 2х7,5 шақырым) жарысы өтті, деп хабарлайды Prosports.kz.

Қазақстаннан бұл жарысқа Галина Вишневская, Алина Райкова, Роман Еремин и Максим Браун қатысты. Өкінішке қарай, Қазақстан бұл сайыста соңғы, 18-ші, орын алып, көшбасшыдан 5 минут және 39.4 секундқа қалып қойды.

Алтын медаль Франция құрамасына бұйырса, норвегиялық биатлоншылар екінші орын алды. Италия командасы қола медальға қол жеткізді.