Юлия Галышева: Қолымның сынғаны медаль алу үшін одан сайын жігерлендірді

Қазақстандық фристайлшы Юлия Галышева суперфиналға шығып, 77.40 ұпаймен үшінші орын еншіледі, деп хабарлайды Prosports.kz.

Осылайша, спортшымыз могулдан тарихи қола медальға қол жеткізді.

«Өте қуаныштымын. Бұл менің Олимпиададағы алғашқы медалім. Бәріне рақмет – командама, еліме және жанкүйерлеріме. Кеше ғана жүлдегерлер қатарында болар сәтімді көзіме елестетіп едім (күліп). Қолымның сынғаны медаль алу үшін одан сайын жігерлендірді», - деді Галышева.