Шығысқазақстанда бүркітшілердің ХІІ чемпионаты өтеді
<span>3-4 ақпан күндері Шығыс Қазақстанның Үржар ауданында Астананың 20 жылдығына арналған ересек бүркітшілердің ХІІ чемпионаты өтеді, деп хабарлайды ҚазАқпарат сайты.</span>
<span>Осымен 12-рет ұйымдастырылғалы отырған бәсеке екінші жыл қатарынан Шығыс Қазақстанда өтпек. Оған 10 облыстың құсбегілері қатысады. </span>
<span>«Бүгіннің өзінде жеті өңірден қатысушылар келіп үлгерді. Жалпы жиыны 40 бүркіт, 78 қаршыға, тұйғын, сұңқар сияқты құстар бақ сынайды деп күтілуде», - дейді ұйымдастыру алқасының өкілі Тәттімбет Кәпұлы. </span>
<span> Аудандық дене шынықтыру және спорт бөлімінің жетекші маманы Бауыр Әмірғалиновтың айтуынша, сайыстың жалпы жүлде қоры 500 мың теңгені құрамақ. Дегдар дәстүрімізді ұлықтайтын біріншілік екі күнге созылады деп жоспарланған.</span>
<br /><br />