Рысбек жеңілісі жеңісінен төрт есе көп боксшымен жұдырықтасады

АҚШ-тың Орландо қаласында бокс кеші алдында салмақ өлшеу рәсімі өтті. Бұл кеште қазақстандық Арман Рысбек кәсіпқой рингтегі алғашқы жекпе-жегін өткізеді.

Рысбек салмақ өлшеу рәсімінен сәтті өтті. Оның қарсыласы америкалық Хаким Аткинсон (2-9, 1КО) болмақ. 4 раундтық кездесу 75 келіге дейінгі салмақта өтеді.

Естеріңізге сала кетсек, Рысбек бұған дейін «Астана Арланс» сапында өнер көрсетіп, WSB чемпионы атанған болатын. 27 жастағы боксшы елордалық клубта жеті кездесу өткізіп, бесеуін жеңіспен аяқтаған.