«Канело» қашқақтамас үшін Головкинге шағын рингті таңдау ұсынылды

<span>ESPN телеарнасының сарапшысы Дэн Рафаэль телеарна сайтындағы чатта жанкүйерлердің сауалдарына жауап беруде. Олардың кейбірі Геннадий Головкин (37-0-1, 33 КО) мен Сауль Альварестің (49-1-2, 34 КО) арасындағы реваншқа қатысты, деп хабарлайды Prosports.kz ҚазАқпаратқа сілтеме жасап. </span>

<span>«Дэн, меніңше, GGG командасы реванш кезінде көлемі кішкентай рингті таңдауға қатысты келіссөздер өткізуі қажет. «Канело» жиі қашқақтап жүреді, ал мұнда Головкин рингті көп айналмас еді», - деп пікірін білдірді жанкүйерлердің бірі. </span>

<span>«Рингтің көлемі талқылауға жатпайды. Егер жекпе-жек Вегаста немесе АҚШ-тың өзге жерінде өтсе, онда ринг барлық жерде бірдей - стандартты. Бұл сұрақ комиссия құзырында», - деп жауап берді Дэн Рафаэль. </span>

<span>Сондай-ақ сарапшы чатта Альвареспен екінші жекпе-жек алдындағы Головкиннің жоспарындағы өзгерістерге пікір білдірді. </span>

<span>«Олар екеуі де өзгерістер әкелуге лайықты. Головкинге бір нәрсені түбегейлі өзгерту керек деп есептемеймін. Ол бірінші кездесуде жеңіске лайық еді. Кеудеге көбірек соққы жасау - жақсы идея», - деп жазды ол. </span>

<span>Қазақстандық боксшы мен мексикалық спортшының арасындағы реванштық кездесу ағымдағы жылдың 5 мамыры күні өтеді деп күтілуде. Олардың Лас-Вегаста өткен бірінші кездесуі тең аяқталған еді. </span>