Ресейдің 111 спортшысы қысқы Олимпиада ойындарынан шеттетілді

<span>Допинг дауына ілінген Ресейге Халықаралық олимпиада комитеті тағы бір соққы жасады. Бұл туралы 24.kz жазды. </span>

<span>Аталған ұйым Оңтүстік Кореяда өтетін ойындарға баратын орыс атлеттерінің тізімін қысқартты. Олардың арасында допингтен таза шыққан атақты спортшылар да бар. Шорт-тректен Сочи олимпиадасының жеңімпазы Виктор Ан, биатлоншы Антон Шипулин және шаңғыдан әлем чемпионы Сергей Устюгов қара тізімге енді. </span>

<span>Халықаралық олимпиада комитеті Ресейдің олимпиадалық құрамасының тізімінде тұрған 111 спортшыны алып тастады. Қазір орыстардың 389 атлеті Пхенчхандағы қысқы ойындарға баратындардың қатарында тұр.</span>