Шаңғышы Полторанин әлем кубогы кезеңінде топ жарды

Словенияның Планица қаласында өтіп жатқан әлем кубогы кезеңінде ерлер арасындағы 15 шақырымға классикалық жүгіру жарысында қазақстандық шаңғышы Алексей Полтаранин жеңімпаз атанды.

<span>Өзіне үйреншікті </span>бұл қашықтықты Алексей шаңғымен 36:54,7 минутта жүгіріп өтті. Күмісті норвегиялық Йоханнес Клэбо, қоланы швециялық Калле Хальварссон иеленді.

Естеріңізде болса, жерлесіміз қаңтар айында Италияда өткен <span>«Тур де Ски» турнирінің дәл осы қашықтыққа жүгіру жарысында бірінші болған еді. </span>

<span>Әлем кубогының келесі кезеңі Австриның Зеефельд қаласында 27-28 қаңтарда өтеді.</span>

<span></span>