«Украин атамандарының» бапкері ауысты

<p style="text-align: justify;"> <strong>Бүкіләлемдік бокс сериясында Украинаның намысын қорғайтын &laquo;Украина атамандары&raquo; жаңа маусым алдында бапкерін ауыстырып бірнеше легионерлермен келісімшартқа отырды. </strong></p> <p style="text-align: justify;"> Украина бокс федерациясының ресми сайтындағы мәліметке сүйенетін болсақ, бұл команданы алдағы маусымда Валентин Соболевский жаттықтырады. Жаттықтырушы төрт жыл қатарынан Түркия елінің ұлттық құрамасын жетегінде ұстаған.</p> <p style="text-align: justify;"> &laquo;Мен Түркия құрамасымен бірге бір Олимпиадалық циклды өткердім. Отаныма Пекиндегі Олимпиада ойындары аяқталған соң оралған едім. Түркия жерінде жұмысымды алғаш бастағанымда бұл ел 8 жыл қатарынан не Әлем біріншілігінде, не Олимпиада ойындарында олжалы болмаған еді. Мен барған соң ондағы жағдай біршама өзгерді. Төрт жылдың ішінде Әлем және Еуропа біріншілігінен медаль алдық. Алдағы уақытта &laquo;Атамандарды&raquo; биікке шығаруға тырысамын&raquo;, - деді&nbsp; Валентин Соболевский.</p> <p style="text-align: justify;"> Сонымен қатар биылғы маусымнан бастап &laquo;Атамандардың&raquo; басты жұлдызы Василий Ломаченко WSB сериясында өнер көрсетпейді деген ақпарат бар. Екі дүркін Олимпиада чемпионы түбегейлі кәсіпқой боксқа бет бұрмақ. <a href="http://allboxing.ru/">Allboxing.ru</a> сайтының хабарлауынша ол АҚШ жерінде 12 қазан күні Хосе Рамиреске қарсы өтетін кездесуге дайындалып жатыр. Сондай-ақ Александр Усиек те кәсіпқой боксқа жол тартыпты. Есесіне, команда қатарына 2011 жылғы Әлем чемпионы Евгений Хитров қосылды. Одан бөлек команда қатарында былтыр өнер көрсеткен &nbsp;Дмитрий Митрофанов, Иван Голубь, Денис Беринчик, Александр Гвоздик, Павел Ищенко сынды мықты боксшылар бар.&nbsp;</p>