Қазақ боксшысы Қытайдың «Бокс королі» атанды

<span>Жыл сайын ұйымдастырылатын Қытайдың «Бокс королі» чемпионатының 2017 жылғы додасының қорытындысында қазақ боксшы үздік шығып отыр.</span><br /><br /><span>6 қаңтар күні Хаңжоу қаласында 75 келіге дейінгі салмақта кездесулер өтіп, шынжаңдық қазақ боксшы Тоқтарбек Таңатқанұлы осы доданың чемпионы Уын Инхаңды ұтып, «король» чемпиондық белдігін жеңіп алды.</span><br /><br /><span>People Daily порталының хабарлауынша, оның бұл жолғы қарсыласы бокстан 75 келіге дейінгі салмақ санаты бойынша алтын медаль иегері, сонымен қатар осы турнирдің екі мәрте «Қытайдың бокс королі» атағының иегері екен.</span><br /><br /><span>Ал Тоқтарбек Таңатқанұы бұған дейін дәл осы Уын Инхаңнан жеңіліп ел чемпионатында күміс медал алған болатын.</span><br /><br /><span>Бұл жолғы 8 раундқа созылған айқаста төрешілер 2:1 деген есеппен Тоқтарбек Таңатқанұлын жеңімпаз деп танып, 2017 жылғы бокстан Қытайдағы «бокс королі» атағын берген.</span>