Олимпиадада Оңтүстік Кореяның бұрынғы азаматшасы Қазақстан атынан шығады

Оңтүстік Кореяның бұрынғы азаматшасы Пхенчханда өтетін қысқы Олимпиадада Қазақстан намысын қорғайды. Ким Йонг А – Қазақстанның шорт-тректен әйелдер құрамасының спортшысы. Әлем кубогының үш кезеңінің қорытындысы бойынша Қазақстан азаматтығын алған Ким екі лицензия жеңіп алған.

<span>Спортшы қыз Корея мен Азияда үздіктер қатарында.  Оны елімізге Қазақстан құрамасының жетекшісі болған бұрынғы жаттықтырушы шақырған.  </span><span>Йонг Аның Қазақстан азаматтығын алу шешіміне ата-анасы түсіністікпен қараған.  </span>

<span>- Қазір қай ел ұнаса сол елдің азаматтығын алуға мүмкіндік бар. Спортшы ретінде арманыңа қол жеткізетін елде өмір сүру - өте керемет және бірегей бақыт. Қазақстан тұрғындары өте мейірімді және ауқатты тұратынын білемін. Үлкен аумағы да адамдарға еркіндік береді, әрі Кореямен салыстырғанда ол жақтың ауасы таза, - деді </span><span>Ким Йонг Аның әкесі.</span>

<span>Қазақстан құрамасында оған еліміздің даңқты қызы Әлия Молдағұлованың құрметіне орай Әлия деген есім берілген. Астанада тұрған үш жыл ішінде Ким Йонг А қазақтың тіл үйірер тағамдарын сүйсіне жеп, қазақ тілін үйренуді бастап кеткен. </span>

<span>- Қазақстанмен салыстырғанда Кореядағы мұз алаңдары әлдеқайда суық. Сондықтан да жаттығу жасаған қолайлы. Пхёнчханда менің бүкіл өмірім өтті, ауа-райын да жақсы білемін, ас-ауқаты да үйреншікті мен үшін. Сондықтан да осында өтетін олимпиадада жеңіске жетуге бар күш-жігерімді саламын, - дейді </span><span>Ким Йонг А.</span>

<span>Ким Йонг А шорт-тректен әйелдер құрамасымен бірге  олимпиада алдындағы жаттығуларын Оңтүстік Кореяда өткізетін болады. Байрақты бәсеке  алдында ата-ананың қолдауы да маңызды. Олар жаттығу кезінде қыздарының жанынан табылу үшін Пхёнчхандағы олимпиадаға билет те алып қойыпты.  </span>