Нұрсұлтанов 92-ші орынға көтерілді

Нью-Йорктегі Madison Square Garden аренасында өткен бокс кешінде қазақстандық Мейірім Нұрсұлтанов (5-0, 4 КО) американдық Эрик Мунды (7-1, 6 КО) жеңген болатын.

Осы жеңістің арқасында Нұрсұлтанов беделді BoxRec.com сайтының рейтингісінде өз жағдайын жақсартып алды. Орта салмақта өнер көрсететін боксшы 120-шы орыннан 92-ші сатыға жоғарылады.

Айта кетейік, Мейірім Нұрсұлтанов кәсіпқой бокста өткізген 5 жекпе-жегінің бәрін жеңіспен аяқтады, төртеуі – нокаутпен.