Георгий Кичигин Нуровты ұтып, чемпиондық белбеуін қорғап қалды

Алматыда Fight night global 80 турнирі өтуде.

Жекпе-жек кешінің аясында қазақстандық файтер Георгий Кичигин жартылай орта салмақтағы чемпиондық белбеуін алғашқы рет қорғады. Оның қарсыласы ресейлік Магомед Нуров болды.

Естеріңізге салайық, дәл осы Магомед Нуров Георгий Кичигиннің ағасын ұтқан болатын.

Тартысты жекпе-жекте отандасымыз ресейлік қарсыласынан айласын асырып, чемпиондық белбеуін сәтті қорғады. Кездесудің төртінші раундында отандасымыз қарсыласына ауырту әдісін сәтті жасады.

Турнирдің ұйымдастырушылары Fight nights global мен AFC ұйымдары екенін айта кетейік.