Мейірім Нұрсұлтанов бесінші жеңісіне жетті

Қазақстандық былғары қолғап шебері Мейірім Нұрсұлтанов кәсіпқой бокстағы бесінші  жекпе-жегін сәтті өткізді.

Бүгін таңертең Нью-Йорк қаласында Мейірім Нұрсұлтанов жеңіліп көрмеген америкалық боксшы Эрик Мунмен қолғап түйістірді.

Алты раундқа жоспарланған жекпе-жек уақытынан бұрын аяқталды. Қазақстандық боксшы қарсыласын екінші раундта техникалық нокаутпен жеңді.

Басты жекпе-жекте ресейлік боксшы Сергей Ковалев (30-2-1, 26КО) украиналық боксшы Вячеслав Шабранскиден (19-1, 16КО) басым болды.