GGG-дің қуат беретін сусыны шықты

<span>Орта салмақта WBC, WBA (Super), IBF және IBO тұжырымдары бойынша әлем чемпионы атағына ие отандасымыз Геннадий Головкиннің өз атындағы энергетикалық сусын шықты. </span>

<span>Сусын туралы жарнаманы қазақстандық боксшы Instagram желісіндегі парақшасында жариялады. Құтысына Геннадий Головкиннің суреті мен GGG аты жазылған. Сондай-ақ "Triple Power" (Үш есе қуат) сөзі жазылған. Кадрларға қарағанда сусын 500 миллилитр көлемінде шығарылады. </span><span>Instagram желісінің кей қолданушылары сусынды Астананың дүкендерінен сатып алуға болатынын жазып жатыр. </span>

<span>Айта кетейік, осыған дейін америкалық "Jordan" спорттық киімдер бренді Головкиннің құрметіне арнайы киімдер үлгісін шығарған еді. Онда қазақтың ою-өрнегі мен боксшының жиі айтатын Big Drama Show сөзі және GGG таңбасы бейнеленген. Сонымен қатар, қазақстандық боксшының құрметіне "Hublot" швейцариялық компаниясы да өз сағаттарының топтамасын шығарған еді. </span>

<span>Қазіргі таңда Геннадий Головкин WBC президенті Маурисио Сүлейманның  шақыртуымен Мексикада жүр. Бірер күн "Ацтек" стадионынан "Нью-Ингленд Пэтриотс" пен "Окленд Рэйдерс" командалары арасындағы ойынды тамашаласа, кеше Мехикодағы ауруханаға барды. </span>