Жансай Смағұлов: Финалда шаршаңқырап қалдым

Азия чемпионатының қола жүлдегері Жансай Смағұлов бүгін Қазақстан чемпионатының финалдық белдесуінде жеңіліп қалған соң Prosports.kz тілшісіне өз пікірін айтты.

- Ел біріншілігі жыл санап дамып жатыр. Бүгінгі чемпионатқа келер болсақ, бәрі ойдағыдай. Аяғымдағы жарақатқа байланысты финалда жеңіліп қалдым. Бәрі Алланың қалауымен.

- Финалда не жетіспеді?

- Шаршап қалдым. Әлем чемпионатынан кейін үзіліссіз бес жарысқа қатыстым. Демалыс болған жоқ.

- Енді қандай жоспар бар?

- Алда Ресейдің Сан-Петербор қаласында үздік 16 балуан қатысатын байрақты дода бар. Соған дайындаламын. Ал Жаңа жылдан кейін шет елде өтетін үлкен сайыстарды бастаймыз.