Жанұзақ Макаода жеңіске жетті

Қазақстандық боксшы Мадияр Жанұзақ таиландтық Суфакит Камфты нокаутқа түсірді. Кездесу 2017 IBF Silk Road Championship Tournament турнирі аясында өткен.

Бұл турнирдің басты жүлдесі – IBF нұсқасы бойынша аймақтық чемпион титулы.

Суфакит үшін жекпе-жек екінші раундта аяқталды, ол Жанұзақтың қатарлата жасаған соққыларына төтеп бере алмады. Біздің отандасымыз мансабындағы үшінші жеңісіне қол жеткізді.

Енді белбеуді жеңіп алу үшін Мадиярға Джон Марк Алеман – Су Юнь Хуань жұбының жеңімпазын ұту қажет.