Жанат Жақиянов - Райан Барнетт жекпе-жегін қайдан көре аламыз?
«QAZSPORT» телеарнасы қазақстандық спортсүйер қауыммен қуанышты хабарымен бөлісуге дайын. <br /> 21-қазаннан 22-ші қазанға қараған түні бокс жанкүйерлері «QAZSPORT» арнасынан тікелей эфирде қазақстандық боксшы Жанат Жақияновтың қатысуымен кәсіпқой бокс кешін тамашалай алады. Солтүстік Ирландияның Белфаст қаласында ең басты жекпе-жекте жеңіл салмақтағы WBA Super және IBO нұсқалары бойынша Әлем чемпионы Жанат Жақиянов (27 жеңіс, 18 нокаут, 1 жеңіліс) және IBF нұсқасы бойынша Әлем чемпионы солтүстікирландиялық Райан Барнетт (17 жеңіс, 9 нокаут, жеңіліс жоқ) шығатын болады. Жақиянов әлемдік бокс рейтингінде 12-ші орында болса, Барнетт–5-ші орында. Жақиянов Жанат WBA Super және IBO белбеулерін 2017 жылдың ақпанында алды, ал Барнетт маусым айында IBF чемпиондық белбеуіне ие болған болатын. <br />Жалпы, бұл Жақиянов-Барнетт жекпе-жегіне қызығушылық арттыратын бірнеше факт бар: <br /> 1. Екі боксшы да 2015 жылға дейін 1-ші орташа салмақтағы Әлем чемпионы Рикки Хаттонмен жұмыс істеген. <br /> 2. Жақиянов-Барнетт жекпе-жегі көптеген адамдардың қызығушылығын тудырады, себебі екі боксшы да, өздерінің чемпиондық белбеулерін жеңіске тігіп отыр. Жеңген боксшы WBA Super және IBF чемпиондық белбеулеріне ие болады. <br />3. Шетелде өтетін бокс кешінің басты жекпе-жегінде қазақстандық боксшы болады (Бұл Геннадий Головкиннің жекпе-жектерін санамағанда өте сирек кездеседі). <br /> Сондықтан, қазан айында «QAZSPORT» арнасының спортсүйер қауымын қызықты бокс жекпе-жектері күтіп тұр.