Константин Лифанов: «Елімізге Кафельников пен Шевченко келеді»

<p style="text-align: justify;"> <strong>Гольфтан кәсіпқойлар арасындағы Kazakhstan Open 2013 &ndash; European Challenge Tour-дың басталуына шамалы уақыт қалды. 2005 жылы алғаш ұйымдастырылған турнир биыл тоғызыншы рет жалауын көтермек. Байрақты бәсеке қыркүйектің 19-ы мен 22-сі арасында өтеді деп жоспарланған. </strong></p> <p style="text-align: justify;"> NURTAU гольф-клубының директоры Константин Лифанов &laquo;PROСПОРТ Қазақстан&raquo; тілшісіне берген сұхбатында алдағы жарыстың қызығы мол болатынын айтып жеткізді.</p> <p style="text-align: justify;"> &ndash; Биылғы турнирде 132 гольфшы бақ сынайды, &ndash; деді Лифанов. &laquo;Челендж тур&raquo; рейтингісі бойынша тамыз соңына дейінгі санақтағы үздіктердің басын қоспақпыз. 100 адам ішінен 10-15-і Еуропа турында бақ сынағандар. Екі апта бұрын Еуропа турының бір кезеңі &ndash; &laquo;Russian Open&raquo; Мәскеуде өткен. Сол жарысқа қатысқандардың көбісі Kazakhstan Open-2013-ті сұрап, қызығушылық танытты. Бір сөзбен айтқанда, &laquo;жарысқа қатысам&raquo; деген үміткерлер көп.</p> <p style="text-align: justify;"> <strong>&ndash; Яғни, біздегі жарыстың абырой-деңгейі өскені ғой?</strong></p> <p style="text-align: justify;"> &ndash; Елімізде өтетін турнирдің мәртебесі қашан да биік болған. Kazakhstan Open алғаш өткізілгенде де іріктеу жасағанбыз. Спортшылар саны жөнінен қиындық болмаған. Қазірдің өзінде 50 адам бізден жауап күтіп отыр.</p> <p style="text-align: justify;"> <strong>- Жарыстың жүлде қоры қандай?</strong></p> <p style="text-align: justify;"> - Өткен жылдардағыдай 400 000 еуроны құрайды.</p> <p style="text-align: justify;"> <strong>- Биыл жұлдыздардан біреу келеді ме? Евгений Кафельников қатысуы мүмкін бе?</strong></p> <p style="text-align: justify;"> - Иә, Евгений жарысқа қатысуға ниетті. Айта кетер жайт, биыл бізге футбол жұлдызы да келеді. Атақты ойыншы, Украина құрамасын өрге сүйреген шабулшы Андрей Шевченко Kazakhstan Open-2013-ке қатысқысы келеді екен. Бұл мәселе жақын күндері шешіледі.</p> <p style="text-align: justify;"> <strong>- Қазақстан атынан кімдер өнер көрсетеді?</strong></p> <p style="text-align: justify;"> - Әдеттегідей, жергілікті спортшыларға тарататын алты жолдамамыз бар. Бірақ аталмыш жарыста ойнау кез келгеннің қолынан келе бермейді. Себебі Kazakhstan Open-нің дәрежесі өте жоғары. Кәсіби спортшыларды ұлттық тур аясында көрсеткен өнеріне қарай баға бере отырып таңдаймыз.&nbsp; Биылғы жылы сегіз кезеңі өтті. Үздіктер де анықталған. Қазақстандық бапкерлер тыңғылықты дайындық жүргізіп бар ықыласымен жұмыс істеп жатыр. Командамыз екі-үш кәсіпқойдан жасақталады, қалғандары әуесқойлар. Оларға да мүмкіндік берілген. 31-ші тамыз бен 1-ші қыркүйек арасында өтетін Қазақстан чемпионатында топ жарғандар жолдамаға ие болады.&nbsp;</p> <p style="text-align: justify;"> <strong>- Командамызда жастар болады ма? Мәселен, Дәулет Түлеубаев сынды болашағынан үлкен үміт күттіретін гольфшыларымыз бар. </strong></p> <p style="text-align: justify;"> - Рас. Дәулет үшін сақтаулы бір орнымыз бар. Ол АҚШ-тан ұшып келмекші. Түлеубаев мұхиттың арғы жағындағы ең үздік бапкерлердің қол астында жаттығып, ең жақсы клубтарда ойнатынын білесіздер. Бұл жігіт ел біріншілігінде де тамаша нәтиже көрсетеді деген сенімдемін. Даулет АҚШ-тың ашық біріншілігінде 48-і орын алған. Жаман нәтиже емес, меніңше.</p> <p style="text-align: center;"> <strong>Көз қырын салыңыз</strong></p> <p style="text-align: justify;"> Kazakhstan Open 2011 - European Challenge Tour бір жыл ішінде кәсіпқойлар арасында өтетін жарыстар қатыран енген. Алғашқы турнир Алматыдағы NURTAU клубында ұйымдастырылған. Дәл сол жылы еліміз Еуропалық гольф-ассоциациясына енген (EPGA). EPGA Еуропадағы 35 мемлекеттің гольф-ассоциациясын біріктірген ұйым.</p> <p style="text-align: justify;"> &nbsp;</p> <p style="text-align: right;"> <em>Юлия МИЛЕНЬКАЯ</em></p> <p style="text-align: right;"> <em><strong>Аударған: </strong>Қайсар ОҚАСОВ</em></p> <p style="text-align: right;"> <em>Фото Константин Лифановтың жеке мұрағатынан</em></p> <p style="text-align: right;"> <a href="http://www.prosportkz.kz/ru/news/24952.html">Түпнұсқасы</a></p> <p style="text-align: right;"> <em>ТҮ</em></p>