Мұхтар Усин күрестен әлем чемпионатында қола жүлде иеленді

Көкшетаулық балуан Болгарияда күрестен ардагерлер арасында өткен әлем чемпионатында қола медаль иеленді.

Мұхтар Усин грек-рим күресі бойынша 70 келі салмақта белдескен. Қола медаль үшін күресте ол болгариялық Георгий Христовты 1-0 ұпайымен жеңді.

«Менің алаң иесін 1 ғана ұпай санымен жеңгеніме бәрі таң қалды. Үшінші орын алдым. Бұл мен үшін соңғы үш әлем чемпионатындағы ең ауыр белдесу болды», – деді М.Усин.

Айта кетейік, Мұхтар Усин Көкшетаудағы №1 облыстық мамандандырылған балалар мен жасөспірімдердің спорт мектебінің директоры.