WBC Головкинді «Жыл адамы» деп таныды

Бүкіләлемдік бокс қауымдастығы (WBC) қазақстандық Геннадий Головкинді «Жыл адамы» деп таныды. Бұл хабар ұйымның ресми Twitter парақшасында таратылды.

«Головкин – WBC нұсқасы бойынша «2017-жылғы жыл адамы». Бұл оның боксқа сіңірген ерен еңбегі үшін берілген марапат», - деді WBC президенті Маурисио Сулейман.

Естеріңізге салсақ, WBA, IBF, WBC, IBO нұсқалары бойынша әлем чемпионы Геннадий Головкин соңғы кездесуін Сауль Альвареске қарсы өткізген болатын. 

Головкин — «Канело» жекпе-жегі Лас-Вегастағы (АҚШ, Невада) T-Mobile аренасында өтті. Төрешілер жекпе-жекті тең деп аяқтап, Геннадий Головкин орта салмақта WBC, WBA (Super) IBF және IBO чемпиондық атақтарын қорғап қалды.