Том Леффлер: Головкинге Альваресті жеңу үшін сегіз раунд қана ұту жеткіліксіз

Қазақстандық боксшы Геннадий Головкиннің промоутері Том Леффлер мексикалық Сауль Альвареспен реванш өткізу туралы ойын айтты.

«Канело артқа шегініп, он екі раунд бойы канаттың қасында тұрып, тек соққыларға төтеп беріп тұрғанын бұрын көрдіңіз деп ойламаймын. Оны тек GGG-дің стилі ғана жасады. Альварес те мақтауға лайық: ол аман қалып, жақсы жұмыс атқарды. Головкин де өз белбеулерін сақтап қалды. Бірақ Геннадий енді төрешілер шешімімен жеңіске жету үшін, сегіз раундтан көп ұту керегін біледі», - деді Леффлер.