Дычко кәсіпқой боксты жеңіспен бастады

Иван Дычко кәсіпқой бокстағы алғашқы жекпе-жегін жеңіспен аяқтады.

Американың Даллас қаласында Эйбур Райтпен жұдырықтасқан отандасымызға қарсыласын нокаутқа түсіру үшін бір ғана раунд жеткілікті болды. Жалпы, жекпе-жек төрт раундтан тұрады деп жоспарланған.

Естеріңізде болса, биыл маусымда 27 жастағы Дычко америкалық The Heavyweight Factory компаниясымен келісім-шартқа отырған болатын.

Айта кетсек, бұл бокс кешінің промоутері кіші Рой Джонстың компаниясы Roy Jones Jr Boxing Promotions болды.