Пхенчхан Олимпиадасының медальдары таныстырылды

<span>Пхенчхан қысқы Олимпиадалық Ұйымдастыру комитеті бүгін 2018 жылғы XXIII қысқы Олимпиада ойындарының медальдарын таныстырды, деп хабарлайды ҚазАқпарат. </span>

<span>Жеңімпаздарға табыс етілетін медальдардың алдыңғы бетінде Олимпиада сақиналары, екінші бетіне Пхенчхан қысқы Олимпиадасының логотипі бейнеленген.</span>

<span>Медальдың диаметрі 92.5 миллиметр, шығыңқы бетінің қалыңдығы 9.42 миллиметр, ойыс бетінің қалыңдығы 4.4 миллиметрді құрайды. Алтын медальдың салмағы 586 грамм, «күміс» -580 грамм, «қола» - 493 грамм. Атап өткен жөн, алтын медальдың салмағы 2014 жылғы Сочи Олимпиадасы алтын медалінен ауырлау болып отыр.</span>

<span>Естеріңізге салайық, қысқы Олимпиада ойындары келесі жылы 8 - 25 ақпан аралығында Оңтүстiк Кореяның Пхенчхан қаласында өтеді.</span>

<br /><br />